Langholtsskóli óskar eftir að ráða skólaliða í 100% ótímabundið starf. Við leitum að lausnamiðuðum, sveigjanlegum og metnaðarfullum einstaklingi sem hefur ánægju af starfi með börnum og unglingum í jákvæðu umhverfi.
Langholtsskóli er heildstæður grunnskóli með um 650 nemendur í 1.-10. bekk. Í skólanum er lögð áhersla á jákvæðan skólabrag, fjölbreytta kennsluhætti og skapandi viðfangsefni þar sem komið er til móts við sérhvern nemanda. Skólinn hefur tekið þátt í fjölda þróunarverkefna á undanförnum árum. Upplýsingatækni er í hávegum höfð. Sérdeild fyrir nemendur með einhverfu starfar í skólanum. Einkunnarorð Langholtsskóla eru virðing, vellíðan, og skapandi skólastarf.
Helstu verkefni og ábyrgð
Að sinna nemendum í leik og starfi
Aðstoð í mötuneyti
Að sjá um daglegar ræstingar
Að sinna tilfallandi verkefnum
Hæfniskröfur
Reynsla og áhugi á að vinna með börnum
Sveigjanleiki og hæfni í mannlegum samskiptum
Frumkvæði og jákvæðni
Íslenskukunnátta á stigi A2 samkvæmt evrópska tungumálarammanum eða íslenskukunnátta á stigi A1 og enskukunnátta á stigi A2.
Nánari upplýsingar veitir Sigurlaug Hrund Svavarsdóttir, skólastjóri, í síma 4116600 eða með því að senda fyrirspurn á netfangið sigurlaug.hrund.svavarsdottir@reykjavik.is.