Laus er staða deildarstjóra í leikskólanum Furuskógi í Fossvogi. Leikskólinn er starfræktur í tveimur húsum í Fossvoginum og liggur vel við samgöngum.
Einkunnarorð skólans eru Gleði, Vinsemd og Virðing, og er áhersla lögð á lýðræði, sköpun, útinám og lífsleikni í starfi með börnunum. Skólinn hlaut Regnbogavottun í apríl 2022.
Fólk af öllum kynjum er hvatt til að sækja um. Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.
(Ef ekki fæst leikskólakennari í starfið kemur til greina að ráða einstakling með aðra menntun sem nýtist í starfi).
Helstu verkefni og ábyrgð
Að vinna að uppeldi og menntun leikskólabarna samkvæmt starfslýsingu deildarstjóra. Deildarstjóri er hluti af stjórnunarteymi skólans, ber ábyrgð á stjórnun og skipulagningu starfs deildar og samstarfi við foreldra.
Hæfniskröfur
- Leikskólakennaramenntun og leyfisbréf kennara
- Reynsla af starfi í leikskóla er skilyrði
- Lipurð og sveigjanleiki í samskiptum
- Stundvísi og áreiðanleiki
- Áhugi á leikskólastarfi
- Frumkvæði og sjálfstæð vinnubrögð
- Góð tölvukunnátta er æskileg
- Íslenska B2 skv. samevrópska tungumálarammanum er skilyrði
- Hreint sakavottorð
Fríðindi í starfi
- Forgangur í leikskóla fyrir börn starfsfólks og afsláttur af leikskólagjöldum
- Stytting vinnuvikunnar - 36 stunda vinnuvika miðað við fullt starf
- Frítt fæði á vinnutíma, grænmetis- og veganfæði í boði
- Samgöngustyrkur
- Menningarkort sem veitir aðgang að söfnum borgarinnar og ókeypis bókasafnskort
- Heilsuræktarstyrkur og frítt í sundlaugar Reykjavíkur
Nánari upplýsingar
Nánari upplýsingar veitir Ingibjörg Brynjarsdóttir leikskólastjóri í síma 618 8933 eða tölvupósti furuskogur@reykjavik.is
Starfið er laust nú þegar eða eftir samkomulagi.
Laun eru samkvæmt kjarasamningi Reykjavíkurborgar við viðkomandi stéttarfélag.
Forsenda ráðningar er að aflað sé upplýsinga frá Sakaskrá ríkisins að fengnu upplýstu samþykki umsækjanda í því skyni að uppfylla skilyrði laga og ráðningaraðila fyrir ráðningu í starf.
Leikskólinn Furuskógur
við Áland
við Efstaland 28
108 Reykjavík