Heilsuvernd Hjúkrunarheimili óska eftir að ráða hjúkrunarfræðing á Lögmannshlíð. Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en vill um leið vera hluti af sterku teymi og gjarnan vinna að nýjum hugmyndum og framþróun.
Um vaktavinnu er að ræða og starfshlutfall er 70%-90% eða eftir frekara samkomulagi. Æskilegt er að viðkomandi hefji störf í september.
Helstu verkefni og ábyrgð
- Almenn hjúkrunarstörf
- Skipulag og ábyrgð á að hjúkrun sé veitt í samræmi við Eden hugmyndafræðina, sett markmið og gæðastefnu
- Frumkvæði að hagræðingu, faglegri þróun og skipulagningu á þjónustu við íbúa
- Þátttaka í þróunarverkefnum
- Eftirlit og mat á gæðum hjúkrunar
Menntunar- og hæfniskröfur
- Próf og starfsréttindi sem hjúkrunarfræðingur
- Áhugi á öldrunarþjónustu og vinnu með öldruðum
- Starfsreynsla í öldrunarþjónustu er æskileg
- Þekking á Eden hugmyndafræðinni æskileg
- Frumkvæði, jákvæðni og samstarfsvilji
- Góð almenn tölvukunnátta
Um Heilsuvernd Hjúkrunarheimili
Heilsuvernd Hjúkrunarheimili veita almenna og sérhæfða dag- og sólarhringsþjónustu fyrir aldraða og aðra sem búa við skerta færni vegna langvinnra eða flókinna veikinda. Um er að ræða fjölbreytta og áhugaverða starfsemi sem er í stöðugri þróun. Unnið er eftir Eden hugmyndafræðinni með áherslu á sjálfstæði, hlýjan heimilisbrag og lífsgæði íbúa sem og annarra notenda þjónustunnar.
Upplýsingar um Heilsuvernd Hjúkrunarheimili má finna á heimasíðunni www.hlid.is
Umsóknarfrestur um starfið er til og með 04. ágúst 2026.
Nánari upplýsingar um starfið veitir:
Jóhanna Berglind Bjarnadóttir, forstöðumaður á Lögmannshlíð, johannabb@hlid.is.
Einungis er tekið á móti umsóknum á ráðningarsíðu Heilsuverndar Hjúkrunarheimilis